ഒരോ മീനിനെ പറ്റിയും ജീവിയെപറ്റിയും എഴുതാന്‍ വിട്ടുപോയ എന്തെങ്കിലും നിങ്ങള്‍ക്കറിയാമെങ്കില്‍ കമന്റിലൂടെ പൂരിപ്പിക്കാന്‍ എല്ലാവരോടും അഭ്യര്‍ത്ഥിക്കുന്നു.
Showing posts with label വരാല്‍. Show all posts
Showing posts with label വരാല്‍. Show all posts

November 1, 2008

കേരളത്തിലെ മത്സ്യങ്ങള്‍‍, വരാല്‍ (Channa striata)

ചൂണ്ടയിട്ടും, വലവീശിയും ആറ്റു തീരത്ത് കഴിച്ചു കൂട്ടിയ നാളുകളിലേക്ക് ഒരു തിരിച്ചുപോക്ക്. അന്ന് കിട്ടിയിരുന്ന പലതരം മീനുകളെപറ്റിയാണ് ഈ പോസ്റ്റുകള്‍. പല നാട്ടിലും പല പേരുകളില്‍ അറിയപ്പെടുന്ന ഈ മീനുകളുടെ പേരുകള്‍ കമന്റുകളില്‍ നിന്ന് മനസ്സിലാക്കുക എന്നതും അത് ഇനി വായിക്കുന്നവര്‍ക്ക് കൂടി പ്രയോജനപ്പെടട്ടെ എന്ന ചിന്തയുമാണ് ഇങ്ങനെ ഒരു പരമ്പര തുടങ്ങാന്‍ കാരണം. മത്തിക്ക് പോലും പല പേരുകള്‍ ഉള്ളപ്പോള്‍ നാട്ടു മല്‍സ്യങ്ങള്‍ക്ക് എത്ര പേരുകള്‍ കാണും?


വരാല്‍

തുടക്കം വരാലില്‍ നിന്നാകട്ടെ.നമ്മുടെ ജലാശയങ്ങളില്‍ സാധാരണ കണ്ടു വരുന്ന ഒരു മല്‍സ്യമാണ് വരാല്‍ എന്ന് ഞങ്ങള്‍ വിളിക്കുന്ന, കണ്ണന്‍ എന്ന് വടക്കോട്ട് വിളിക്കുന്ന വ്രാല്‍ എന്ന് ചിലര്‍ പറയുന്ന ഈ മീന്‍. Snakehead എന്ന് ഇംഗ്ലീഷില്‍ അറിയപ്പെടുന്ന ഇതിന്റെ ശാസ്ത്രീയ നാമം Channa striata എന്നാണ്. മൂന്ന് കിലോയോളം വലുതാകുന്നതാണ് ഈ മീന്‍ എന്ന് പറയപ്പെടുന്നു. ഒന്നര, രണ്ട് , രണ്ടര കിലോ വരെ ഉള്ളവയെ ഞാന്‍ ധാരാളം കണ്ടിട്ടുണ്ട്.


വരാല്‍

വരാല്‍

തുലാമാസത്തില്‍ കൃഷിക്കായി കണ്ടത്തിലെ വെള്ളം വറ്റിക്കുമ്പോള്‍ ആറുകളില്‍ എത്തുന്ന ഇവയെ വീശാന്‍ നോക്കി നിന്നിട്ടുണ്ട്. ഏകദേശം മുക്കാല്‍ മണിക്കൂര്‍ കൂടുമ്പോള്‍ വെള്ളത്തിന് മുകളില്‍ വന്ന് മറിഞ്ഞ് വെള്ളമെടുക്കുന്ന ഇവയെ അത് കണ്ടിട്ടാണ് ഞങ്ങള്‍ വലവീശി പിടിച്ചിരുന്നത്. (അതല്ലാതെയും വീശുമ്പോള്‍ കിട്ടിയിരുന്നു). ഒരു കാലത്ത് (തൊണ്ണൂറുകളുടെ ആദ്യം) ഓരുവെള്ളം കയറിയത് മൂലം വേമ്പനാട് കായലിലെ മീനുകള്‍ക്ക് അസുഖം വന്നപ്പോള്‍ ഏറ്റവുമധികം നാശം വന്നത് വരാലുകള്‍ക്കാണെന്ന് തോന്നുന്നു.

വരാല്‍
പ്രാദേശിക നാമങ്ങള്‍ : വരാല്‍, ബ്രാല്‍, കണ്ണന്‍, കൈച്ചില്‍

ഇതിന്റെ തന്നെ കുടുംബത്തില്‍ ഉള്ള ചേറുമീന്‍ അഥവാ പുള്ളിവരാല്‍ (Channa marulius), വാക (Channa micropeltes) എന്നിവയും നമ്മുടെ ജലാശയങ്ങളില്‍ കണ്ടു വരുന്നു. ചേറുമീന്‍ എന്ന് ഞങ്ങള്‍ വിളിക്കുന്ന വരാലിന്റെ വാലിന്റെ ഭാഗത്ത് നല്ല കളര്‍ ഡിസൈന്‍ കണ്‍റ്റു വരുന്നു. നിങ്ങളൊക്കെ ഈ മീനുകളെ എന്താണ് വിളിക്കുന്നത് എന്ന് എനിക്കറിയില്ല.

വാക
ചേറുമീന്‍

ഇവന്റെ ഒരു ചെറിയ വേര്‍ഷന്‍ ഉണ്ട്. ചെറിയ തോടുകളിലും ഒഴുക്കുവെള്ളത്തിലും ഇലകള്‍ക്കടിയില്‍ നിന്നും തല വെളിയിലിട്ടു നില്‍ക്കുന്ന "വട്ടോന്‍" എന്ന് ഞങ്ങള്‍ വിളിക്കുന്ന ഒരു ചെറിയവന്‍. ഇവന് ഒരു ആറിഞ്ച് അല്ലെങ്കില്‍ എട്ടിഞ്ച് നീളമേ കാണൂ. അവനേകൂടി കാണൂ..



വട്ടോന്‍

മറ്റുള്ളവ

ഈയിടെ വന്ന മറുപടികള്‍

സന്ദര്‍ശകര്‍